Member-only story
1. 家妓。咩係「家妓」呢？就係主人養喺屋企嘅私家雞囉。
2. 東晉謝安在東山畜妓，就有一句「安縱心事外，疏略常節，每畜女妓，攜持遊肆也。」
3. 哩啲「家妓」同「妾」有啲唔同。「家妓」要能歌善舞，但「妾」陪瞓就得。
4. 不過，「妾」嘅地位比「家妓」高。
5. 《魏書．列傳第五十六．甄琛 高聰》：「聰有妓十餘人，有子無子皆注籍為妾，以悅其情。」
6. 「注籍為妾，以悅其情。」古人哄女人都係要畀個名份。男人女人都係千幾年無咩分別。
7. 壽桃補一段《晉書．石崇傳》：
8. 石崇有妓曰綠珠，美而艷，善吹笛。孫秀使人求之。崇時在金谷別館，方登涼臺，臨清流，婦人侍側。使者以告。崇盡出其婢妾數十人以示之，皆蘊蘭麝，被羅縠，曰：「在所擇。」
使者曰：「君侯服御麗則麗矣，然本受命指索綠珠，不識孰是？」
崇勃然曰：「綠珠吾所愛，不可得也。」
使者曰：「君侯博古通今，察遠照邇，願加三思。」
崇曰：「不然。」使者出而又反，崇竟不許。
秀怒，乃勸倫誅崇、建。崇、建亦潛知其計，乃與黃門郎潘岳陰勸淮南王允、齊王冏以圖倫、秀。秀覺之，遂矯詔收崇及潘岳、歐陽建等。崇正宴於樓上，介士到門。
崇謂綠珠曰：「我今為爾得罪。」
綠珠泣曰：「當效死於官前。」因自投於樓下而死。
9. 壽譯：
石崇有妓叫做綠珠，又靚，又識吹笛。仆街孫秀要搶人地私家雞。當時石崇喺金谷別館，登上高臺，眺望水流，成排女人服侍。孫秀嘅使者同石崇講要女。石崇就叫哂幾十個婢妾出黎，全部噴哂香水，著性感睡衣，佢話：「任揀啦。」
使者話：「君侯嘅私家雞全部都好正，但我受命要綠珠，唔知邊個先係呢？」
石崇扯火話：「綠珠我所愛，無得傾。」
使者話：「君侯你知啦，古往今來，會出事嘅都關女人事，願你三思。」
石崇話：「唔得。」使者走左又掉頭求多次，但最終石崇都係唔肯。
孫秀搶唔到女就嬲，叫腦細司馬倫誅殺石崇。石崇都知會畀人搞，又同其他人叫淮南王司馬允、齊王司馬冏，去殺司馬倫同孫秀。孫秀察覺，就先發制人，矯詔捉拿石崇。當時石崇喺度開party，成隊士兵黎掃場，石崇對綠珠講：「我因為你奶野啦。」
綠珠喊住口話：「咁我死先。」就係綠珠跳樓而死。
10. 以下作者終於做到野。
11. 《晉令》：「女奴不得服銀釵。」
12. 但係晉代權臣家妓明顯穿金戴銀著咩都得，可見法律面前，只有窮人含撚，係自古以來都係咁嘅事。
