近排覺得medium 少左文睇。
我覺得要身體力行9up下，例如係最低成本既寫/ 睇medium 後感想。
1.拍手
拍幾多下手都係畀咁多錢。所以基本上我拍手係一定會拍夠50下。
如果拍唔夠，即係篇文其實我覺得麻麻地。
又有啲資訊野我會拍少啲。
例如今日恆指大跌1 點；英超曼聯又輸一場。
我阿媽用ie 上網睇yahoo news就知道既野，無奶油同一篇長文同價值呱？
2. 睇
史兄話做大個餅，有人睇文、有人寫文，先有價值。
以下既作者我幾乎篇篇拍夠50 下。
思然 oce
寫幼稚園小朋友 (禁入去睇下啦)，極有趣味。有一日睇到篇全英文章講資訊保安，先留意到佢以前做電腦審計同資訊保安。
有日可能我會喺日本開喇沙拉麵鋪，然後同人講其實我係寫古文架。
戈登探長
記得連登有個留言話睇完我寫騎呢野，要睇返探長既正經野中和下。
講起東坡，我想睇哩首冷門詩。
〈送運判朱朝奉入蜀〉(節錄)藹藹青城雲，娟娟峨眉月。
隨我西北來，照我光不滅。
我在塵土中，白雲呼我歸。
我遊江湖上，明月濕我衣。
岷峨天一方，雲月在我側。
謂是山中人，相望了不隔。
太礦達同苦中作樂既東坡我都唔中意。
我心中既東坡喺哩首詩入面攞住酒壺原地開心自轉緊。
「我在塵土中，白雲呼我歸。我遊江湖上，明月濕我衣。」
任何時候我讀完哩首詩我都係開心既。
開心好難，我希望係知坡之樂。
