Member-only story
【壽桃按】當哩套野上演既時候，我望住個戲名，覺得好膠，好想睇。早幾日喺飛機上睇完，好激動，好很激動，所以就有哩篇。
【劇情】
是咁的，阿淳（安田顯飾）係個離過一次婚既男人。佢同現任老婆千惠（榮倉奈奈飾）喺婚前立左協議，就係喺結婚3年後，重新睇下哩段婚姻仲適唔適合。
就係哩個踏入3年婚姻既背景下，阿淳放工返屋企，發現千惠攤左喺廳中間唔郁，嘴角流血。
當阿淳嚇到call 白車既時候，千惠就突然好開心咁起身煮飯……
自此以後，千惠就日日扮死，包括被鱷魚咬、中箭、被外星人捉左、扮朱麗葉殉情等等等等……
黃子華：
啲女人就係食…咩咩咩咩…訓囉。咁中間做咩呀？咪就係唔知做左啲咩囉！好恐怖架！
千惠扮死一日癡線過一日，阿淳極度迷惑束手無策。究竟扮死意味著啲咩？
為左解決哩個問題，阿淳由生活入手：包括送花、同同事夫婦一齊晚飯、鼓勵千惠返洗衣鋪part time。
直至有一晚千惠扮完死復活後，阿淳真係頂唔順同千惠講：
你有咩不滿就直接講啦，放工返到屋企仲要估你諗咩真係好攰、好難受。
而老婆千惠就回左句：
「今晚月亮很漂亮」 （今夜は月が綺麗ですね）
