Member-only story
從前有個有錢佬聚新抱，個仔死左，佢搵個女代娶…
【原文】
濯纓亭雜記 [2]。正德間，都下王某家甚富。其子聘孫氏女為婦，將婚，子病，癔 [3] 死。恐孫氏匿其聘，則秘不發䘮，詐令媒㚬請期。女家覺其詐，佯許之。
至親迎日，王以其女僞作男子徃 [4] 迎。孫氏亦令其姪僞作女子隨行成禮。王意兩女共一室，了無他疑。不意少女與少男相悅，而私成配偶矣。
都下民俗，成婚三日，婿與婦同歸父母家。孫氏遂留王氏女於家，王某方悟反受其欺，已無及矣。訟於官，兩家各當坐詐罪。王氏女旣爲孫姪之婦，而以孫氏之女亦歸王氏之婦。一時盛誆，以爲奇事。
— 清 褚人穫《堅瓠集》秘集卷四
【注】
[1] 原標題為〈天緣〉
[2] 濯纓亭雜記：明代 戴冠著。你睇下，抄人地啲野落自己本書度，咁又出到本書啦。
[3] 癔：即係歇斯底里，即係癡線。明顯係老豆逼個hehe仔娶老婆而癡線。
[4] 徃：異體字黎，即係往字。
【錯譯】
喱件事係我睇《濯纓亭雜記》知既。
正德年間，首都有家人姓王，好撚有錢。王家個仔準備娶孫家個女，咁準備娶啦，個仔病，癡線死埋，就咁成世做處男，陰公。
王家又仆街呀，死左個仔，就即刻擔心自己啲聘禮會被孫家食埋，所以唔搞喪事，廢事被孫家知，依舊叫媒人問孫家幾時行禮結婚。孫家消息靈通，知道有古惑，咪同你玩大佢囉，婚照結。
結婚當日，王家叫個女去扮男人迎親，孫家亦叫個姪仔去扮女人行禮。王家諗住，兩個女仔，最多都係磨下豆腐姐。點知王家個女見到孫家姪仔靚仔，就跟人「那個」了唷。唉，千算萬算。
首都既俗例，就係結婚三日，夫婦同歸夫家。所以王家個女就成為了孫家既人了。搞左咁耐，王生先知自己係被昆嗰個，不過個女隻豬都畀人食左啦，呵呵呵。
嫁女仲要送埋聘禮，王生條氣唔順，咪報官囉。最後兩家都係罰詐騙罪，各打五十大板，SUPER~。
點罰？
而家王家個女做左孫家新抱，咁孫家咪嫁返個女去王家做新抱囉。
喺老千古仔之中，哩單都算新奇有趣難度高，所以要記低佢。
