【原文】
國初 [1]，御史某年少科第，巡按福建。有胡天保者愛其貌美，每升輿坐堂，必伺而睨之。巡按心以為疑，卒[2]不解其故，胥吏亦不敢言。
居無何[3]，巡按巡他邑，胡竟偕往，陰伏廁所窺其臀。巡按愈疑，召問之。初猶不言，加以三木[4]，乃云：「實見大人美貌，心不能忘，明知天上桂，豈為凡鳥所集，然神魂飄蕩，不覺無禮至此。」巡按大怒，斃其命於枯木之下。
逾月，胡托夢於其里人曰：「我以非禮之心干犯貴人，死固當，然畢竟是一片愛心，一時癡想，與尋常害人者不同。冥間官吏俱笑我、揶揄我，無怒我者。今陰官封我為兔兒神，專司人間男悅男之事，可為我立廟招香火。」
閩俗原為聘男子為契弟[5]之說，聞里人述夢中語，爭醵錢立廟。果靈驗如響。凡偷期密約，有所求而不得者，咸往禱焉。
程魚門曰：「此巡按未讀《晏子春秋》勸勿誅羽人 [6]事，故下手太重。若狄偉人先生頗不然。相傳先生為編修時，年少貌美。有車夫某，亦少年，投身入府，為先生推車，甚勤謹，與雇直錢，不受，先生亦愛之。未幾病危，諸醫不效，將斷氣矣，請主人至，曰：『奴既死，不得不言。奴之所以病至死者，為愛爺貌美故也。』先生大笑，拍其肩曰：『癡奴子！果有此心，何不早說矣？』厚葬之。」
— 清 袁枚 《子不語．卷十九》
【注】
[1] 國初：清朝立國之初。同樣道理，見到袁枚/ 紀曉嵐講國朝，即係講清朝。
[2] 卒：最後既意思。廣東話都有「卒之死左」
[3] 無何：無幾耐既意思。見《三國志．華佗傳》：「佗以為其人盛怒則差，乃多受其貨而不加治，無何棄去，留書罵之。」
[4] 三木：用來鎖頸項及手足的刑具。見司馬遷〈報任少卿書〉：「衣赭衣，關三木。」
[5][6] 見故事二、三。
【錯譯】
清朝初年，某名御史好後生就做官，做到福建巡按。
嗰陣有個叫胡天保既，中意御史靚仔，每次御史升堂審案，胡天保就匿埋一邊丁。巡按覺得好奇怪，但係又唔知點解，其他官吏雜卒梗係都唔敢講啦，你丁女上司都唔會同佢講啦，更何況男上司？
巡按住左無耐，就巡第二個地方。胡天保竟然跟埋佢去，仲靜靜雞匿喺廁所丁人屎忽。巡按更加覺得有古惑，召條偷窺狂黎問，起初佢梗係唔肯答啦，之後巡按用刑，偷窺狂咪話：
「實在係大人太靚仔，我念念不忘。雖然明知大人個屎忽，唔輪到我拮，但係我朝思暮想，一時忍唔住跟你入埋廁所呀。」
巡按嬲到仆街，喺枯樹下打撚死佢。
過左一個月，胡生托夢鄉里人：「我以非禮之心得罪人，係抵死，不過始終係愛呀哈利，一片癡心，同害人唔同。地府啲官吏有笑鳩我，有串鳩我，但係就無人嬲我既。而家地府封我做兔兒神，專管人間hehe事，大家一場同鄉，不妨同我起間廟拜下我，包你有著數。」
福建浙江嗰邊，本來就有買男仔做契弟既做法。班麻甩佬一聽到哩個夢，就個個爭住夾錢起廟。結果間廟又真係靈。以後凡係想偷食出軌，想屌又屌唔到既，都走哂去拜。
程魚門話：「巡按肯定無讀《晏子春秋》故事，所以先打到咁重手。好似狄偉人先生就唔係咁呀。相傳先生做編修嗰陣，後生靚仔。有個車夫，又係後生，賣身入狄府，幫狄生推車。好勤力呀佢，畀貼士佢都唔要，狄生都好中意佢。過無耐，車夫病到死，醫唔到，就黎斷氣，請狄生去見佢。
車夫話：『我都死啦，係時候表白。我之所以病到死，係因為中意你靚仔呀。』
狄生大笑，拍拍車夫膊頭話：『死佬，你唔早講？』
之後車夫死左，狄生仲厚葬佢。」
