Member-only story
本系列 Patreon 同 Medium 同步。話說星期一中午，我老細同我講：
「桃仔原來我地都係最後一個禮拜打針，咁office 無人睇住唔得個喎。」
我（心入面講）：「屌你老母啦，我一早交左form，我book到養和，我唔撚改呀。」
我（口講）：「無問題呀，為左蟈家嘅販榮娼盛，我改今個禮拜啦，伊館打都一樣姐。」
就係咁，我尋日打左針，順便book 酒店住幾晚。
香港珀麗酒店
同同事講我去住Rose~ 佢地個個都以為係Rosewood。殊不知係Rosedale，即係Rose屌。
白馬將軍公孫瓚講過：「白馬非馬、無缸非酒。」意思就係白馬唔係馬，無浴缸就唔算係酒店。
壽仔book 酒店嘅底線就係要有浴缸，而哩間喺中央圖書館前面嘅，就係我可以book 到最平嘅浴缸酒店，而果然我係得到應有嘅懲罰。。。
睇相好企理？其實我已經執過黎。
你想唔想像到，打開張被，會有用過嘅紙巾？
你想唔想像到，打開個廁板，會有尿漬？
我已經係一個好無所謂嘅人，都崩潰。
好彩壽嫂未放工，無同我check-in。如果唔係佢一定爆炸。
拿拿臨落日本城買滴露噴霧同酒精濕紙巾執執佢。可憐嗰陣我岩岩打完針。
炊豕店
哩間野次次行過都勁多人排，今次特登排下隊。
圖左係壽嫂嘅蔥油豬扒撈粗，圖右係壽桃嘅大阪燒豬扒飯。
大阪燒豬扒第一啖咬落去，啲肉汁標哂出黎。但之後，食多幾啖就覺得成口都係油了。炸粉都落得好多，有半舊豬扒係炸粉黎。
壽嫂話蔥油豬扒撈粗正常無驚喜。
總結一句，我去食吉豚屋好過啦，更唔好講博勝殿。
Donki vs Sogo
食完飯，師奶性格難改嘅話想食水果，就同佢行Donki。
$208 買左抽香印，返去食，無味。
買完順便行埋Sogo 地底超市，發現竟然靚啲平啲。想搥心口。
==========
互動環節：
壽桃第三日午餐食咩好？留言話我知，可能真係會食。
