Member-only story
1. 壽按：自古以來，中國販榮娼盛，令人感動。厲害了，我的蟈。繼勾踐整左座雞山慰勞軍士之後，漢武帝設立營妓。而作者論述喺令人失望方面，係絕對無令人失望。
2. 營妓始於漢，明代《正字通》引《萬物原始說》：「一曰，古未有妓，至漢武始置營妓，以待軍士之無妻室者。」
3. 咁營妓制度係點呢，作者意見如下：
4. 一、漢代軍營有新聲，女樂在軍營。當時軍營用的樂為「鼓吹曲」及「橫吹曲」，皆異國之樂。用於朝會道路的叫做「鼓吹」、用於軍中的叫做「橫吹」。《說苑．脩文》：「鐘聲鏗鏗以立號，號以立橫，橫以立武，君子聽鐘聲則思武臣。」凡強烈的音樂，能引起宏壯的感情，這恐怕就是漢武激勵軍心的微意罷。
5. 壽按：以上論述同營妓嘅關係，基本上係無。。。我聽完歌好激昂，然後，係插營妓定係插敵人先？
6. 二、軍營裡有軍市。《尚書．費誓》：「無敢寇攘，逾垣牆，竊馬牛，誘臣妾，汝則有常刑！」
7. 壽譯：以上嘅係周代戰爭法令，意思係叫軍士唔好跨過圍牆，偷竊馬牛，騙取別人嘅男女奴，否則就要受刑。講多句「臣」係男奴、「妾」係女奴。哩啲馬、牛、臣、妾，應該係戰利品，所以要建「垣牆」保護，亦可見打仗帶女人係古已有之。
8. 又，有關軍市的確切記載始於戰國時期。《史記．馮唐列傳》：「李牧為趙將居邊，軍市之租皆自用饗士，賞賜決於外，不從中擾也。」
9. 壽譯：李牧係趙國邊境嘅將軍，佢將軍市收返黎嘅稅金用黎犒賞部下，賞賜牌係自己決定，朝廷不從中干預。
10. 以上證明左軍隊有市，但係無證明營中有妓，亦無證明軍士可以喺軍市交易女奴或者嫖妓。
我覺得真係好慘，全篇真正有用嘅係得一句：「古未有妓，至漢武始置營妓，以待軍士之無妻室者。」
11. 而哩句係出自明代《正字通》，大約16XX 年，去證明公元前156年漢武帝發生嘅事。。。一大滴汗。
