- 三月九號病，又痾又嘔。喺生無可戀嘅情況下，我search 香港粥店，搵到哩個香港粥品關注組。入group 要答一條問題：「香港有咩粥店？」我答：
其實我本身唔食粥架，係因為病，先入黎搵粥店。
結果喺我病好後嘅4月14號，admin 終於approve 我。
2. 上星期壽嫂出團（壽嫂係旅行社領隊），有兩日free day，捉我去做慰安夫。上機前一晚，我再病，只痾唔嘔。5 點 6 點 7 點都痾，痾到我喺馬桶上研究到「病毒性腸胃炎」同「病菌性腸胃炎」嘅分別。前一日我食左9 粒正露丸都無用，而正露丸係殺菌嘅，證明左我係「病毒性腸胃炎」。
3. 仲有，「正露丸」原名「征露丸」，我大日本蝗軍征討露西亞（Russia）之藥丸也。
不過哩啲資訊對於我嘅人生同屎眼都無幫助。
3. 終於，我決定上機前睇醫生，呀屌，原來成條街都係病人，所有診所都排到出門口。最後喺藥房買左哩盒 Lopertin 止痾藥，真係有用，起碼可以保證我日頭唔痾，夜晚返到酒店先爆炸。
4. 返黎香港之後，我發燒。而家喉嚨好撚痛。壽嫂話我可能中左武肺。我話再咁搞落去我真係會死架喎。
