Member-only story
Sparktake 係一個由香港人創辦嘅二手書買賣app。根據上文連結，我喺2017年前已經用緊。
其實個app 成日會彈，有好多問題，但我一路都有用。一方面係支持香港人啦，另一方面，好多時都會喺Sparktake搵到好書。
早排睇岩本書，同賣家傾好左，過埋數，打算影低張入數紙send 過去嘅時候。。。
屌，send 唔出。一直都send 唔出。
嗱嗱臨搵admin 搞搞佢，點知。。。
雖然佢好快就搵到賣家個email 畀我，但我send 去賣家個email，係石沉大海無人回覆嘅。$50 就咁不幸消失。
後黎，我喺Sparktake 創辦人 Issac 個facebook page 讀到哩篇，覺得幾有意思。以下節錄：
我地發現自己創業時期剩低最多嘅就係「書」。於是我地就諗，好多人買完書睇完都會擺係度，就咁擺係度好晒姐，不如整一個Carousel For書。我地覺得世界上仲有好多愛書之人，而且每年有書展，個Market嘅規模應該都唔錯。所以我地諗左「Sparktake」呢個Idea，一個比人交流二手書嘅地方。
今次我地吸取左教訓，係兩個人嘅情況之下，想要做一件產品，絕對需要用Lean Startup嘅概念。於是，Sean負責用React Native ＋ Django整一個多平台嘅App，而我就負責做Marketing。
我開左一個IG Page 加用Strinkingly（專係整一頁網站嘅工具）黎介紹Sparktake。當時我地諗：「平台不如唔好收錢，反正多人用就可以有人Sponsor，可以賺到錢。」於是，係Sparktake網站頁面度我地寫左10年不收費。Sean每日寫Code，而我就去二手書群組度約人出黎交收、買賣，跟住再問下佢地Sparktake個idea如何。
「唔錯呀，可以分類。第時出左我都會用。」就係咁，Sparktake出世之前，我地已經存左大約1000個User，同埋係IG度有幾萬Followers。
「今次掂呀！」我同呀Sean講。
的確，隻App係出左之後有好唔錯嘅迴響。更好彩嘅係，當年果籽報導我地，令到隻App有好多人下載。當時好快就有過萬Download，而且好多Active User每日都會用。
