一場沒有發生的蜀漢戰役——

「三國志VIII 劇本 241年 全琮奉主命攻淮南，蔣琬用水路窺上庸」

三國入面，蜀漢有兩場假想戰役，第一場係魏延嘅子午谷攻長安。

第二場就係哩場，無咩人講。蔣琬諗出黎嘅，唔行諸葛亮嘅北伐路線，改行水路，攻打上庸出荊州。

蔣琬係邊個？
蔣琬係諸葛亮繼承人。按連結睇維基。

夠唔夠vintage

1. 背景

諸葛亮死左之後，蜀國就好似毒撚咁唔郁。當時遼東反魏國、東吳孫權又攻魏。
所以扶不起的阿斗決定要厲精圖治，增加自己嘅曝光率，攻打魏國。

延熙元年，傳說中嘅垃圾、扶不起的阿斗，蜀漢皇帝劉襌，向蔣琬落左個非常英明嘅 order。

「而家中國仲有好多壞人，尤其係魏國個仆街皇帝曹睿，遼東三郡啲人唔中意佢咪起義囉。曹睿周圍起宮殿、又周圍打仗，咁奢侈，搞到我好羨慕。以前秦國滅亡，都係陳勝吳廣起義先，劉邦執死雞。而家遼東啲人反抗魏國，就係天時啦。蔣琬你帶兵，喺漢中收風，等東邊吳國打贏啦，我地西邊蜀國再上，總之個方計就係：仗就吳國打，我地負責攞著數啦。」

【原文】

延熙元年，詔琬[1]曰：「寇難未弭[2]，曹睿驕凶，遼東三郡勞其暴虐，遂相糾結，與之離隔。睿大興眾役，還相攻伐。囊秦之亡，勝、廣首難，今有此變，斯乃天時。君其治嚴，總帥諸軍屯任漢中，須吳舉動，東西掎角[3]，以乘其畔。」

【注】

[1]琬：粵音「丸」

[2]寇難未弭：寇，意思係賊。弭，粵音「美」，意思係消除。四個字嘅意思係未消滅魏國。

[3]掎角：粵音「幾」。犄角指雙方同時下手捕鹿，比喻兩邊彼此呼應，共同夾擊。

2. 準備

你睇下，以前光榮做故事真係好畀心機，連哩個冷門劇本都咁長氣。而家？食屎啦。

要攻打魏國，我認為蔣琬思路如下：
I) 舊老細諸葛亮北伐魏國，路途遙遠、行山路軍糧補給困難，好快要退兵。
II) 成日要等魏吳兩國嘅消息，無論兩邊贏輸，等消息傳到蜀漢都失哂戰機。
III)…