Member-only story
時代唔同左，事情就唔一樣。
事情唔一樣，就要準備應變啦，香港人。
【原文】
上古之世，人民少而禽獸眾，人民不勝禽獸蟲蛇。有聖人作，搆木為巢以避羣害，而民悅之，使王天下，號之曰有巢氏。
民食果、蓏、蜯、蛤，腥、臊、惡、臭，而傷害腹胃，民多疾病。有聖人作，鑽燧取火，以化腥臊，而民說之，使王天下，號之曰燧人氏。
中古之世，天下大水，而鯀、禹決瀆。近古之世，桀、紂暴亂，而湯、武征伐。
今有搆木鑽燧於夏后氏之世者，必為鯀、禹笑矣；有決瀆於殷、周之世者，必為湯、武笑矣。
然則今有美堯、舜、禹、湯、武之道於當今之世者，必為新聖笑矣。
是以聖人不期循古，不法常行，論世之事，因為之備。
宋人有耕田者，田中有株，兔走觸株，折頸而死。因釋其耒而守株，冀復得兔，兔不可復得，而身為宋國笑。今欲以先王之政，治當世之民，皆守株之類也。
— 《韓非子》五蠹
【錯譯】
是咁的。好耐之前，人少而何君堯多，人民搞唔掂班蛇蟲鼠蟻、元朗鄉親。後來有聖人出現，教民眾用木起屋避禽獸，人民服從佢既領導，推佢做王，就成為有巢氏。
又，大家食水果蔬菜海鮮獸肉，又腥又臭又唔衛生，上吐下瀉，成日作病。又有聖人出現，教人鑽木取火BBQ，自此唔再食生肉，人民服從佢既領導，推佢做王，就成為燧人氏。
中古時候，全世界水災，鯀、禹教你疏導洪水。近古時候，夏桀、商紂癡撚線，就有商湯、周武推翻暴政。
不過，如果有巢氏喺鯀、禹既時代教鑽木取火，就實畀人笑啦。又如果有人喺商、周時代教疏導洪水，都肯定會被人恥笑。所以如果而家有人教你堯、舜、禹、湯、武既治世方法，佢肯定係傻架啦。
所以，真正有料既人，唔會盲從以往做法，亦唔會盲從現今規範。而係會根據現時情況，因時制宜。咁先叫有料。
有無聽過守株待兔呀？
以前宋國有個農夫，農田裡有棵樹，有隻白癡兔仔撞左落棵樹度，死左。就係咁，佢唔再耕田，日日喺棵樹隔離等兔仔撞樹，最後咪成為成語囉。
所以你想用1989年既方法去治理今日既民眾，都係同守株待兔一樣智障架。
