Member-only story
【壽桃按】話說有日睇戒指，覺得好唔gur，覺得我一定要寫返篇戒指文幫補家計。
於是就有以下嘅文字。
所謂嘅戒指，先秦時期已經有啦。應該有唔少人知，戒指嘅意思，係「戒止」。即係叫你唔好。唔好啲咩？我地睇睇：
【原文】
后妃群妾以禮御於君所，女史書其日月，授之以環以進退之。
生子月辰，則以金環退之。當御者以銀環進之，著于左手。既御，著于右手。事無大小，記以成法。
— 《毛詩故訓傳》
【錯譯】
是咁的，先秦嘅禮法，后妃群妾畀國君屌，係要屌得有規有矩。宮中會有女官記低日子，畀指環后妃以示識別。識別啲咩？
后妃黎M囉，就要戴金指環。咁女官就知道你黎M啦，會通知國君哩個女人唔屌得。
無咩野可以屌嘅，就戴銀指環喺左手。國君今個月屌左啦，銀指環就要轉去右手。咩都記低，先有法度架嘛。
【壽桃又按】睇九叔group，好多男人結左婚就無得屌。所以睇黎戴戒指會直接減少性行為係有幾分道理。
再睇落去，其實古代戒指嘅意涵同而家差唔多，都係定婚信物，我地睇睇梁武帝蕭衍（464年－549年）個貴嬪：
【原文】
貴嬪生於樊城，初產有神光之異，紫氣滿室，故以「光」為名。相者云：「當大貴」。少時與鄰女月下紡績，諸女並患蚊蚋，而貴嬪弗之覺也。
鄉人魏益德將娉之，未及成，而武帝鎮樊城，嘗登樓以望，見漢濱五采如龍，下有女子擘絖，則貴嬪也。又丁氏因人以相者言聞之於帝，帝贈以金環，納之，時年十四。
— 《南史．卷十二．南朝梁．武丁貴嬪》
【錯譯】
貴嬪生於樊城，佢一出世就有神光射出，紫氣滿室，所以佢個名就叫做「光」。睇相佬話：「哩個女仔將來一定富貴。」佢細個同其他女仔夜晚織衫，個個女仔都被蚊咬到仆街，係得佢無被蚊咬。
同鄉魏益德準備娶佢，未娶，咁岩梁武帝喺樊城，有一日登高望遠，見到漢水有五彩（彩虹？），下面有個女仔洗緊衫，就係貴嬪啦。有人將睇相佬講嘅野話畀梁武帝知，梁武帝就畀左隻金戒指貴嬪，娶埋佢，嗰時貴嬪十四歲（衰十一呀仆街）。
又，既然指環係定情信物，咁自然會有負心人嘅故事：
