大唐毒撚．四．刷鞋之路開始

上回

大唐毒撚．三．我要玩到30歲！

新讀者睇第一回

大唐毒撚．一

仆街毒撚廢到35歲，終於做返一次正經野 — — 到長安參加招賢考試。

之前講左，毒撚自以為有才華，喺文壇又小有名氣，所以非常自信自負。雖然曾經科舉失敗，但佢咁厚面皮，其實無事。佢周圍旅行，浪費生命。直至到長安之後……

天寶五年（746），三十五歲既毒撚去到京城長安，就係為左參加下一年（747）既招賢考試。招賢考試，即係「制舉」，同普通科舉考試唔同。唐朝廷之所以安排哩種考試，原因「原本」係因為正常科舉考試唔可以選拔出全部人才，而通過喱種特別考試，就可以選拔遺漏既人才。

一早講左，毒撚覺得自己係人中之龍。佢話：

自謂頗挺出，立登要路津。致君堯舜上，再使風俗淳。（〈奉贈韋左丞丈二十二韻〉）

姐係話，佢覺得自己有大賓呀，要凸出黎阻住條路，要嚇窒個皇帝。

佢要改變世界！！！今次考試一定要得！！！

自信帝阿舜。Source: 左上

不過，中國人做野，識人好過識字。考試以外，毒撚周圍刷鞋R friend子，就係為左R 官做。毒撚刷過汝陽郡王李璡既鞋。（玄宗長兄李憲之子）（〈贈特進汝陽王二十韻〉）之後搵駙馬鄭潛曜（娶玄宗皇甫淑妃之女）（〈鄭駙馬宅宴洞中〉），仲為皇甫淑妃寫墓誌銘。

總之毒撚就周圍做契弟。佢覺得自己好快會威啦，疊馬啦，做大佬啦。

喺哩段自我澎脹、自我ff既過程中，佢寫左以下哩首詩。

〈飲中八仙歌〉

知章騎馬似乘船，眼花落井水底眠。