Member-only story
【壽桃按】世上寫東坡同〈赤壁賦〉嘅實在數之不盡。要推介嘅，當然有 戈登探長 嘅 赤壁三部曲之二：變與不變，超越命限的莊子哲學。而我要寫嘅係書法同異體字。介紹返，以下係明代書畫家文徵明嘅〈小楷書前後赤壁賦頁〉，用黎教異體字一流。咩叫異體字？一個字往往有幾個寫法。正寫以外，就係異體。例如：群羣 啟啓 為爲。以下截圖重排出自商務出版嘅套裝書，名家大手筆〈赤壁賦〉。唔計佢三中商，在書言書，我認為係相當有心機做嘅一套書。文徵明〈小楷書前後赤壁賦頁〉 <--- 連結見故官博物院原圖哩篇野喺Office 陰啲陰啲寫，玩左大半個月。大家如果想睇埋〈後赤壁賦〉嘅話，就留個言話我聽啦，多謝大家。
【錯譯】
壬戌年秋天，七月岩岩過左十五，我蘇仔同個fd 搭上小船去到赤壁之下。
【注】
[1]七月既望。既望，意思係農曆「十六」日。至於農曆十五，就叫「望日」
講多少少，既字有「已經」嘅意思。例如「既來之則安之」。既望，其實字面意思係「已經過左望日」，亦即係農曆十六。
[2] 異體字： 望、遊、於、赤、壁。
欣賞下文徵明選擇嘅異體字寫法。
【錯譯】
咁簡單唔譯了。欣賞下東坡優美嘅字句。
【注】
[1] 屬：託付。舉酒屬客，意思係畀杯酒客人。
[2] 誦明月之詩，歌窈窕之章：哩度係講緊〈詩經．陳風．月出〉。
月出皎兮、佼人嫽兮。舒窈糾兮、勞心悄兮。
[3] 異體字：明、歌、窈、窕、章。
特別想講下個窈字，佢係特登改變字型，窈下方的「幼」由左右變成上下結構。點解文徵明要咁做？留意「窈」字左右嘅「所」同「既」都係左右結構。
