Member-only story
《他和她的戀愛花期》、MLA演唱會、《千年一問》
《他和她的戀愛花期》，喺完全無期待同埋唔知劇情下入場
壽嫂買飛，對上兩套同佢睇嘅戲係《感動他77次》，同埋《我的好差男友》。
你明白佢嘅品味未？你明白我無期待嘅原因未？點都好，我睇完深受觸動。故事簡介是咁的：
「他們因錯過尾班車而相遇，在深夜咖啡館聊起文學、電影和音樂，喜好竟奇蹟地相似，二人瞬間墜入愛河。
他們畢業後開始一邊兼職工作，一邊開始同居生活，更一起養拾回來的街貓，最大的目標就是維持倆口子的日常。
但時日流逝，不想改變也得改變。他失約於《牯嶺街》， 她獨賞郭利斯馬基黑色幽默。五年盛放，世上唯一的花未必結果，愛情若只如初見。」
唔知點唔劇透，以下代入自己講故事：
故事一開始係兩個文青相遇相愛同居，愛情甜蜜嘅部分永遠人人相似，突然間搵到一個理解自己嘅人，兩個人無間斷地做愛，直至真係無哂野食好撚肚餓。（哩點我堅信係每對熱戀期情侶共通）
然後畢業，生活逼人，無錢就要搵錢。男嘅就搵工、返工、OT、由睇文學變到睇「人生的勝算」。女嘅都有返工，但仲堅持自己嘅興趣。
書店一幕我睇到好傷心。你估壽桃而家睇估票時間多定係睇文學書多？我幾乎唔睇文藝野了。逐漸兩個人共同相處嘅時間愈來愈少。男嘅，返到屋企只餘下玩手機轉珠Game 嘅力量，一齊買返黎嘅Switch 永遠只有女嘅一個玩。
哩幕相信好多男人完全代入，放工後基本上攰到散哂，FF7仲爭幾關，但已經無力開機了。開始多磨擦，相對無言轉為相對無視。二人決定好聚好散，和平分手分居。最後再各有另一半，然後有日遇到同一個境況，說起同一番話，發現大家同時在場。
係呀，每段感情都應該有經歷回憶只係屬於兩個人架。結尾哩一下，真係搞唔掂眼濕濕。當然唔止咁少。我建議所有曾經文青過又有長期對象嘅朋友睇，一定會有觸動你嘅位置。
話說睇完之後，我有少少咁啲啲平伏唔到自己，壽嫂話：
「一開始嗰段，我差啲瞓著。」
一開始嗰段就係鋪陣兩個人都有非主流嗜好嘅一段。聽完我馬上釋然。
曾經有段時間我同壽嫂會嘗試建立共同興趣，即係上工聯會西班牙文堂。後來我覺得根本無必要建立共同興趣。只要係相愛嘅，就會接受到對方同自己一定會有唔同。正如我完全唔可以講係自願地陪佢睇啲濕鳩愛情戲咁，但你永遠唔知中一百次伏後會唔會中一次頭獎。同樣地，極度好動嘅壽嫂同我哩個宅男相處，…
