[1] 2022年埋單收爐，意味住風水佬開始出新一年運程。南邊正財要擺植物，西邊偏財要擺金色野。世事如果真係咁簡單，肥媽就唔會豬五千萬，而我埋單計數都差唔多豬廿個。但我仲有唔夠十個月就要結婚，然後買樓、然後生仔、然後Happily ever after。最好世事真係咁簡單。
[2] 睇貳叄書房篇〈車公廟記事〉，諗起讀U 時返Intern 嘅舊事。我Intern係做過華人廟宇委員會的。當時我做嘅野叫做「神口普查」。Well，食人口普查嘅字，我要去每間直轄廟宇，影下相、點下數，睇下廟入面有幾多個神像同配件，例如關公把關刀會唔會去左天后娘娘度，六十個太歲會唔會有一兩個去左日本旅行之類。
[3] 直轄廟宇包括車公廟。我諗細個所有人都係跟阿爸阿媽入去拜。嘩！好很大個車公，然後合十裝香拜拜，走人食飯，完。直到當年某日點神點到車公廟，我以為點完車公啲架餐、影完五路財神六十太歲，就可以收工。點知腦細話，未完架，裡面仲有。
[4] 從前有個車公廟，裡面仲有個車公廟。
[5] 以前車公廟就係上圖咁細間，後來向外擴建，就變成而家咁樣。而原本嗰間車公古廟，就一直收埋喺而家車公廟嘅深深處，唔對外開放。當然有例外，比如廟宇職員、達官貴人、沙田鄉黑，仲有佢一族。
[6] 腦細叫我出返去車公正殿留意下每條大圓柱都有寫捐款人，全部都係姓陳同姓黃嘅。YES，就係陳百祥黃杏秀家族。而家嘅車公廟係佢一族有份畀好大筆錢起嘅，莫講話佢地要拜真．車公，佢地要入去裸跑都可以（記左好多年嘅腦細原話）。
[7] 自此我覺得車公係被圈養嘅神。
你地咁多人喺出面排隊拜嗰個係流架。夏惠姨搶住子時入閘上頭注香，根本就係白費心機嘅一件事。因為沙田各位鄉黑好可能喺子時之前就齊齊整整喺「古廟」入面等緊搭正上香，而夏惠姨同其他阿婆仲喺廟外等緊開閘同奔跑，以為自己真係可以爭到頭注香。
[8] 就好似連登仔話齋，你班毒撚朝思暮想又課重金嘅女神，其實就只係被他人三穴齊開、塞高爾夫球嘅性奴小母狗，aka洗米華張凳。
[9] 後來某日睇POST 睇到蛋雞，蛋雞係專門飼養用黎生蛋嘅雞。我諗起車公。廟宇同神祉都只係一場生意，中意你都可以投標營運。你拜緊嗰個神係我整出黎搵你錢嘅。男神女神亦如是，股票外匯亦如是。我見青山多嫵媚，料青山見我應如是。
[10] 最近經常提醒自己一樣野，對自己好啲，因為有好多野唔係努力就改變得到。就好似西西弗斯推石頭，又好似劉華話風景不轉心境轉。
[11]我見青山多嫵媚，Merry Christmas。
