Member-only story
【事緣】
以下為廢話。
話說有日㩒入 伊死 嘅Plurk，見到哩單野。講真啦，我壽桃假假地都叫做文化人（厚顏無恥），梗係知道哩啲「鼓勵閱讀、你睇書寫書評，我送書」嘅活動，係多數唔會有人捧場嘅。
你知啦，世上有一半嘅人唔識字，又再有一半嘅人唔睇書，又再有一半嘅人唔睇殭屍獵人小說，又再有一半嘅人唔睇粵文小說，又有再一半嘅人唔寫書評。。。
以我壽桃會考Math 攞D嘅精密計算，大約即係無咩可能啦，唔信你問張五常同史兄[i]。
總而言之[ii]，壽桃係個善良嘅人、正直嘅人，呃左本書返黎，絕對會找數，以下真係書評。
以上為廢話。
【注】
[i] 史兄話張五常寫野套路就係將啲勁人寫落自己篇文到，咁就顯得自己好勁。我而家就活學活用。
[ii] 黃子華某場棟篤笑話「講完總而言之」，就可以令到之前講嘅野唔關事咁。
【內容劇透】
[0] 作者：王俊喬。尊重作者，擺第一。出版：漫讀文化。尊重本地出版，擺第二。
買書連結。
[1] 第一、二集是咁的，主角那夜凌晨搭上泥蜢的，中間卷入殭屍獵人同殭屍嘅打鬥。主角身為一個普通人（但有主角威能），見到殭屍出魔法（故事內叫做神通）竟然無落荒而逃，仲打得幾下。最後殭屍獵人s殺左隻殭屍，而主角亦都被殭屍獵人s踢左入會，做埋殭屍獵人。
[2] 第三、四、五集就係世界觀設定啦。殭屍獵人有個公會嘅，殺完殭屍有得換獎金（Monster Hunter 設定）。殭屍獵人之中都有仆街嘅，可能會搶走你嘅成果。又例如殭屍獵人同殭屍都有氣（即係MP，用黎出神通），人類少啲，而殭屍可以無限儲氣，但係就要靠吸人類嘅氣維生。殭屍點樣吸大量嘅氣？就係用Tinder 約炮啦。
[3] 第六集打後就入劇情嚕。有boss 出任務畀你做、殭屍其實都想做平凡人，唔好被人追殺、殭屍其實可以只係吸少啲氣，唔會吸完就死人。Tinder Party其實有大陰謀、殭屍獵人公會可能係個伏。之類之類。
[4] 簡言之，即係以香港為背景嘅：Mon Hunt + 吸血鬼獵人 + 無間道。
【建議】
多啲插畫。文筆具體啲。
睇到第2集第2行，即係第26頁，我是火滾的：
