Member-only story
1. 以下講嘅係越王勾踐搞嘅雞山，即係官妓啦，開後世「軍妓」、「營妓」先河。
2. 《吳越春秋》：「越王勾踐輸有過寡婦於山上，使士之尤思者游之，以娛其意。」
3. 《越絕書》：「獨婦山者，勾踐將伐吳，徙寡婦置山上，以為死士，未得專一也。後之說者，蓋勾踐所以游軍士也。」
4. 以下壽譯：「《吳越春秋》話，越王勾踐，輸送有過錯嘅寡婦於山上，畀有需要嘅軍士屌，作為員工福利。」
5. 又，「『獨婦山』，勾踐準備攻打吳國時，將啲寡婦搬哂上山，畀啲死士破處。黃子華話過，處男係無資格死嘅，咁啲死士屌完之後就可以做炮灰去死了。後來又有個講法，話勾踐係想畀啲軍士Happy 下，員工福利黎。」
6. 哩條橋都唔知係唔係范蠡屌西施嗰陣諗出黎，後世話范蠡係財神陶朱公，話唔定都係開「雞山」發達。
7. 然後又有私人執業。
8. 《史記．貨殖傳》：「今夫趙女鄭姬，設形容，揳鳴琴，揄長袂，躡利屣，目挑心招，出不遠千里，不擇老少者，奔富厚也。」
9. 以下壽譯：「今日趙國鄭國嘅女人，化恆妝、fing 衫袖、拖住鞋行路、眼神挑逗、存心勾引，仲唔介意出行千里、八歲到八十歲都肯，最緊要有錢。」
10. 點解呢點解呢，點解去到戰國就有好多雞呢？作者認為：
11. 一、媵制之廢除
12. 以前一個女人出嫁，會跟幾個「媵」。周王室和貴族女子出嫁為正室時，需要娣或姪女陪嫁，稱為媵。即係買大送細跟工人。
13. 壽按：「娣」即係女弟。即係老婆個妹。你睇下幾千年前啲古人幾識玩，姐妹丼家族play。
14. 但係作者話，戰國時代似乎無左哩支歌仔唱。「媵制既廢，人們不得不另覓縱慾途徑。這就是娼妓興盛的最大原因。」
15. 二、私奴隸之發達
16. 以前行階級制度，貴族大地主有自己嘅奴隸。販賣人口嘅事，遠在戰國，近有KK 園。「私娼」、「家妓」都係由此而生。
17. 三、商業繁盛及都會勃興
18. 城市發展啦，「人民聚於都市，農村經濟破產，婦女流落為娼妓日益多。」
19. 壽按：我真係睇到成頭問號，時至今日2023年，究竟中國係咪因為農村經濟破產而婦女流落為娼妓。作者行文嘅前因後果真係9 up 之鬼。
20. 四、井田制之破壞
21. 西周行土地國有嘅井田制。中間一分歸國有，另外八分大家分。後來「商鞅變法」，廢井田、開阡陌，承認土地私有。寡婦孤兒點算呢？為生計所逼，乃流為娼妓。
22. 壽按：唉，作者你又講緊咩。
23. 五、貨幣制度隨資本主義而發展
24. 社會通用貨幣，大概在戰國時代。自金屬貨幣通行，而嫖娼在外更簡易化了。
25. 壽總結：作者真係一個好神奇嘅人。。。下一篇，漢代營妓與男風。
