Member-only story
1. 真正史有明文、由國家經營管理嘅妓院，源自春秋時期齊國管仲創設嘅「女閭」。
2. 至於點解偉大的管仲要設立「女閭」，作者認為有四個原因：
3. 一、國家收稅。清代褚學稼：「管子治齊，置女閭七百，徵其夜合之資，以充國用，此即花粉錢之始也。」哩個易明啦，推班女做雞都係為左錢姐，你唔做雞搵錢，我邊有錢養你呢？
4. 二、容納奴隸。《管子．權修》：「凡牧民者，使士無邪行，女無淫事。士無邪行，教也。女無淫事，訓也。教訓成俗，而刑罰省，數也。」
5. 壽譯：治理民眾嘅人，要令到男人無不正當嘅行為，女人唔做不恰當嘅事情。要令男人無邪行，教啦。要令女人唔做不恰當嘅事？訓示啦。要將教訓成為風尚，咁樣管治者就唔洗用刑罰啦，哩啲就係制度。
6. 壽注：喺哩度嘅語境，「邪、淫」都係解「不正當」，唔好見到個淫字就聯想性交。
7. 作者引《管子》哩段係想證明，管仲唔會「逼良為娼」。
8. 又再有一段，《韓非子．外儲說右下》：桓公微服而行於民間，有鹿門稷者，行年七十而無妻，桓公問管仲曰：「有民老而無妻者乎？」管仲曰：「有鹿門稷者，行年七十矣而無妻」桓公曰：「何以令之有妻？」管仲曰：「臣聞之，上有積財則民臣必匱乏於下，宮中有怨女則有老而無妻者。」桓公曰：「善。」令於宮中女子未嘗御出嫁之，乃令男子年二十而室，女年十五而嫁。
9. 壽譯：有日齊桓公微服出行，有個叫鹿門稷嘅，七十歲都無老婆。桓公問管仲：「真係有人又老又無老婆架？」管仲答：「有個人叫鹿門稷，七十歲都無老婆呀。」桓公問：「咁我可以點幫到佢呀？」管仲話：「我聽講，老細有錢就代表下屬好撚窮，宮中啲女人有剩咪令到民眾老左都無老婆囉。」桓公話：「OK！」下令宮中未畀佢屌過嘅女人出宮嫁人，仲命令二十歲嘅男人就要成家立室，女人十五就要嫁人。
10. U see ? 齊桓公同管仲幾咁偉大。竟然係將啲原裝未屌過嘅送出去，而唔係將啲屌過唔岩屌嘅送畀人。所以一句講哂，普通齊國百姓女人，管仲係唔會捉佢地做雞嘅。
11. 咁雞竇啲囡囡點黎？齊桓公係春秋五霸，打贏仗，緊係捉打輸嗰邊嘅女人做雞啦。
12. 三、優待遊士。春秋戰國啲人會養「士」。例如戰國四公子孟嘗君，養埋啲「雞鳴狗盜」嘅人。咁你養「士」，包食宿同埋女陪瞓都好正常姐。
13. 《漢書．地理志下》：「薊，南通齊、趙，勃、碣之間一都會也。初太子丹賓養勇士，不愛後宮美女，民化以為俗，至今猶然。賓客相過，以婦侍宿，嫁取之夕，男女無別，反以為榮。」
