職工盟 — — 辦公室及家居小型水電維修基礎證書

兩個禮拜六 0900–1700，一日水，一日電。港幣$2000

1. 內容是咁的：

(單元一)電力課程內容 — 電箱元件介紹、60安培單相電箱電路設計介紹、瑩光管(士撻式、電子式)安裝及維修方法、電力條例介紹、最終電路和施工安全知識。

(單元二)水務課程內容 — 香港供水系統、廁所水箱安裝及維修、水龍頭安裝及維修、UPVC膠喉、銅水喉安裝及維修方法、各種喉管瘀塞解決方法及施工安全知識等

2. 兩個禮拜六全日嘅課程，實際時間係0900–1700鬆啲，一日水，一日電。

3. 第一日係水務課程。講真，理論多，落手落腳做無咩，學到嘅野更少。

算係學到廁所水箱同水龍頭通常壞邊度，同埋可以點整，最緊要係，你會夠膽整。

其他？你上完兩日堂，會唔會夠膽自己整熱水爐同埋供水主喉先？唔會啦。

4. 比較值得講下嘅地方，係佢真係有兩個拆左出黎嘅廁所水箱連馬桶 + 熱水爐 + 水龍頭做示範，你有興趣嘅，仲可以摸下佢。

5. 第二日，電，更悶。唯一落手落腳做嘅，係駁電線同駁插頭，而我係一早識的。

其他都係嗰句，你聽完之後，屋企有咩事斷電，你咪又係搵師傅整。

6. 比較值得講下嘅地方，係佢真係抬左部拆左嘅冷氣機出黎。

我學左：基本上家用窗口冷氣機係唔會漏雪種的，師傅話漏嘅九成呃你。

7. 其他？無啦。所以$2000 兩日，基本上係，唔值。

8. 仲有個材料費，我屌啦，我真係唔知材左去邊度。下圖為堂上會到嘅玩具。

我上過工聯會嘅電工課程，堂上所用的它表光管燈炮各樣工具，全部上完係可以帶走的。老實講，工聯會價錢平，學到嘅野亦多啲。

9. 最後講多句啦，我去左一個叫石籬嘅地方上堂。幾個朋友都話，我地熟東京大阪多過石籬啦。

10. 講義 Patreon 見。